2018-мӗш ҫулхи ака уйӑхӗн 25-мӗшӗнче И.Н.Ульянов ячӗллӗ Хутарти вӑтам шкулта «И.Я.Яковлевăн чун халалĕ» ятлă мероприяти иртрĕ. Ертсе пыраканĕ Хутарти модельнăй библиотека ертӳçи Карпова П.В. пулчĕ. Вĕренекенсем И.Я.Яковлев кун-çулĕпе, ĕçĕ-хĕлĕпе тĕплĕнрех паллашрĕç. Çавăн пекех 6-мĕш классем  тăван чĕлхе çинчен сăвăсем каларĕç. Çак куна чăн-чăн уяв пек ирттерме Хутарти культура çурчĕ çумĕнчи ĕçченсем пулăшрĕç.  Вĕсем чăвашла сăвăсемпе, юрăсемпе тата  «Качака» пьеса сыпăкĕпе савăнтарчĕç. Уяв П.Хусанкайăн «Эпир пулнă, пур, пулатпăр» сăввине вуланипе вĕçленчĕ.

Ҫакнашкал тĕл пулусем ирттерни ачасен пултарулӑхне аталантарма, тӑван чӗлхене юратма, упрама пулӑшать.