Чăвашсене çутта кăларакан сумлă та чаплă педагогăн И.Я.Яковлевăн ятне Раççейре те, ун тулашĕнче те анлă пĕлеççĕ. Чăваш Республикинче 2018-мĕш çул- И.Я.Яковлев çулталăкĕ. Пуш уйăхĕн 5-мĕшĕнче И.Н.Ульянов ячĕллĕ Хутарти вăтам шкулта И.Я.Яковлев çулталăкне уçас тĕлĕшпе «Кăвак çут чаршавне уçнă Улăп» ятлă литмонтаж ирттерчĕç. Унта вĕренекенсем сумлă педагогăн пурнăçĕпе, ĕçĕ-хĕлĕпе, вăл каланă сăмахсемпе, ăна халалланă сăвăсемпе паллаштарчĕç. И.Я.Яковлевăн ырă ячĕ чăваш историйĕнче ĕмĕр-ĕмĕрех çуталса тăнине палăртрĕç.

   Ҫакнашкал мероприятисем ирттерни ачасен пултарулăхне, пуплевне аталантарма, харпăр хăй ăнланулăхне йĕркелеме пулăшать.