Нарăс уйăхĕн 15-мĕшĕнче Якăртушкăнь шкулĕнче «Тантăш» хаçат тĕп редакторĕ Владислав Николаев Çĕмĕрле районĕнчи хастар вĕренекенсемпе тĕл пулу ирттерчĕ. Вăл çамрăк çыравçăсене заметкăсем çырма вĕрентнĕ май, хаçатпа туслă çыхăну тытма сĕнчĕ.
   И.Н.Ульянов ячĕллĕ Хутарти вăтам шкулти Е.Сидоров, Л.Скрипкова, К. Сергеева та çак тĕл пулура пулчĕç. Унта вĕсем хăйсем çырнă сăввисемпе паллаштарчĕç.
  В.Николаев ачасене «Тантăш»хаçатпа «Самант» журналсен тĕрлĕ номерĕсене парнелерĕ. Çавăн пекех тĕл пулăва килнĕ кашни шкула çамрăк корреспондентсен пункчĕ уçăлнине çирĕплетекен сертификат парса чысларĕ. 
  Тĕл пулу питĕ хаваслă иртрĕ. Вăл пурне те килĕшрĕ.