Кашни  çын ашшě  - амǎш чěлхине , тǎван халǎх историне, йǎли- йěркине, юрри- ташшине, юмах- халапне пěлме тивěç.

  Чǎваш чěлхи эрнипе килěшÿллěн Çěмěрле районěнчи Хутарти вǎтам шкулта ака уйǎхěн 26- мěшěнче 5- мěш класра  «Чǎваш халǎх сǎмахлǎхě -  иксěлми пуянлǎх» темǎпа вǎйǎ урокě иртрě. Ачасем « Шевле» тата «Чěкеç» ушкǎнсене уйрǎлса ǎмǎртрěç.  Вěсем  чǎвашсен тěрě ячěсене, ваттисен сǎмахěсемпе тупмалли юмахсене, чǎваш халǎх юмахěсемпе юррисене пěлнине кǎтартрěç. Ăмǎртура «Шевле» ушкǎн пултаруллǎрах пулни  палǎрчě.

  Урока пěтěмлетнě май чǎваш чěлхипе литература вěрентекенě ачасене тǎван халǎх сǎмахлǎхне чунра упрама, малалла аталантарас ěçе хастар хутшǎнма  ыйтрě. Вǎл нихçан та ан манǎçтǎр, вǎй илсе тěнче умне  тухтǎр.