Юпа уйăхĕн 19-мĕшĕнче Çĕмĕрле районĕнчи И.Н.Ульянов ячĕллĕ Хутарти вăтам шкулта ачасене тăван çĕр-шыва, тăван чĕлхене, тăван тавралăха юратма тата упрама вĕрентес тĕллевпе «Тăван çĕре мухтакан сăвăç» ятлă илемлĕ вулакансен конкурсĕ иртрĕ. Унта 5-11 классенче вĕренекенсем хутшăнчĕç. 5-7 классем хушшинче Ухсай Яккăвĕн сăввисене илемлĕ, тĕрĕс интонаципе вулассипе Арсютова З., Евстафьев И., Уляндина О. палăрчĕç.Аслă классенче вĕренекенсенчен хăйсен артистла пултарулăхĕпе итлекенсене Герасимова Д., Мартынова Е., Скрипкова А., Захаров В. тĕлĕнтерчĕç.