Апрелĕн 29-мĕшĕнче Хутар гимнази библиотекинче чǎваш чĕлхи эрнине халалласа «Чǎваш тени – чǎвашлǎхпа илемлĕ» литература каçĕ иртрĕ. Библиотекǎра ятарласа  чǎваш чĕлхин пуянлăхне уçса паракан кĕнекесен выставкине «Чăваш чĕлхи – ту пек тулли арча» йĕркеленĕ.  Уява 6 «а»  класс ачисем пуçтарĕнчĕç. Вĕсем нумай  ĕмĕр аталаннă  тăван чĕлхе пуянлǎхĕпе, чăваш çыру чĕлхин никĕсне хываканĕпе И.Я.Яковлев ĕçĕсемпе паллашрĕç, çепĕç чăваш юрри-сăввипе киленчĕç.

    Пирĕн чĕлхе тупмалли юмахсемпе, каларǎшсемпе, ваттисен сǎмахĕсемпе пуян. Вĕсемсĕр пурнǎç кичем. Ачасем  хаваспах тĕрлĕ конкурсене хутшăнчĕç, хǎйсен пĕлĕвĕпе савăнтарчĕç. Юлашкинчен библиотекарь ачасене выставкăри кĕнекесемпе паллаштарчĕ.