Паян, ака уйăхĕн 28-мĕшĕнче, Çĕмĕрле районĕнчи Хутар гимназийĕнче районти чăваш чĕлхи вĕрентекенĕсен фестивалĕ пулчĕ.

    Кунта Краснова Л.Г.  8-мĕш класра К.Иванов пултарулăхĕпе  çыхăннă вăйă-урок, Архипова Т.М. 6-мĕш класра «Евĕрлев сăмахĕсем», Ефатерова Л.Н. «Сăмах тымарĕ тата аффикссем» темăпа уçă уроксем  ирттерчĕç.

   Çавăн пекех гимнази вĕренекенĕсем хăнасене Юхма Мишши çырнă « Качакапа унăн тусĕсем» юмаха лартса  пачĕç.

  Çакăн пек тĕл пулусем районти тăван чĕлхе вĕрентекенĕсем хушшинче час-часах иртеççĕ. Вĕсем пĕр-пĕрин пултарулăхĕпе паллашма май параççĕ.