Ака уйăхĕн 23 - мĕшĕнче Çĕмĕрле районĕнчи И.Н.Ульянов ячĕллĕ Хутар гимназийĕнче 5-7 класра вĕренекенсем хушшинче «Чăваш ачи, сассуна пар» ятлă чăвашла илемлĕ вулакансен конкурсĕ иртрĕ. Ăмăртура чăваш поэчĕсен тĕрлĕ сăввисем янăрарĕç. Вĕренекенсем тăван чĕлхе чăннипех те илемлĕ, шыв юххи пек янăравлă, ачаш та хăватлă пулнине туйма пултарчĕç. Итлекенсене уйрăмах 6б класра вĕренекен П.Иванова вулани тыткăнларĕ. Çавăн пекех И.Евстафьев, О.Уляндина каланă сăвăсем палăртуллă пулчĕç.