Çынсем хушшинчи хутшăнăвăн ырă тата киревсĕр енĕсене курса, туйса илме вĕрентес , çыннăн чун тасалăхне упрама хăнăхтарас тĕллевпе пуш уйăхĕн 21-мĕшĕнче И.Н.Ульянов ячĕллĕ Хутар гимназинчи 10-мĕш класра «Мĕн вăл юрату?» темăпа тавлашу урокĕ иртрĕ.

      Вĕрентекен урока В.Туркайăн «Мĕнрен пуçланать юрату?» сăвăпа пуçларĕ. Унтан вуннăмĕшĕсем хăйсен шухăшĕсене каларĕç.Паянхи çамрăксен хушшинчи çыхăну пирки те сÿтсе яврĕç. Çавăн пекех хăйсем паллашнă Çемен Элкерĕн «Хурапа шурă», Ф.Павловăн «Ялта» хайлавĕсене аса илсе  пĕтĕмлетрĕç.  Урокри калаçу ачасене пурнăçри ырăпа усала уйăрма вĕрентессе шанас килет.